හිතේ ඇත නුඹ තවම

සින්තටික් හීන ලෝක වල

මේකප් තැවරු මුහුණු වල

ආර්ටිෆිෂල් නියපොතු වල

ආලේපිත වර්ණ වල

ස්ට්‍රේට් කෙස් කළඹ වල

පොෂ් පහේ ඇඹරෙන වදන් වල  

නොදුටු ලස්සන

රැලි කෙහෙ රැලි තුල

තලෙළු නුඹේ සම තුල

නිදහසේ එන හඬ තුල

සෘජු සුමට වදන් තුල

දුටිමි මම

දුවන මගේ සිත සසල

සිරව ඇති හිතුවිලි අතර

හිර වෙලා තවම මම

නොකීවත් නුඹට මම

හිතේ ඇත නුඹ තවම

මගෙ අලුත් ආදරෙ

සිහින් දිගැටි නුඹේ සිරුර මත
මගෙ දෑගිලි සෙමින් යවමින්
දෙතොල් නුඹගෙ මුවට ලන්කොට
සෙමින් මුදුවට හුස්ම රැල්ලක් මුසු කලා
මම නුඹෙ හදටම
නුඹෙ සිරුරම කලඹවාගෙන
සුසර වු ස්වර හඩ නැගෙන විට
මගෙ වෙහෙසත් දුක් හැගුම් හැම
මටත් නොදැනිම යයි තුරන් වී
ආදරෙයි මගෙ බටනලාවිට හැමදාම මම